Arantza González Garcíak Donostiako Udal Gobernuari eskatzen dio lehenbailehen aurkeztu dezala etxegabetzeen aurkako protokoloa eta etxebizitza hutsak mobilizatzeko prozedura bat egin dezala
2026ko ekainaren 23a. Donostiako Udaleko Ezker Anitza-IUko bozeramaileak kontrol-mozio bat erregistratu du, eta bertan eskatzen dio Udal Gobernuari prozedura bat egin dezala legedian dauden neurriak aplikatzeko, hirian 1.500 etxebizitza huts inguru merkatura atera ez daitezen. Mozioan, EAJ eta PSEri eskatzen zaie, halaber, joan den otsailean osoko bilkuran onartutako etxegabetzeen aurkako protokoloa uztaila amaitu baino lehen aurkezteko, eta ohiko bideetatik argitaratzeko erreferentziazko prezioen indizeak, Donostia eremu tentsionatua baita.
Udaleko Gizarte Ekintza Sailaren 2025 Memorian azaleratzen diren datu kezkagarriei erantzuten die Ezker Anitza IUren eskaerak, “hiriak etxebizitza eskuratzeko duen egoera oso larriaren berri ematen baitute, bereziki familia ahulenentzat”.
Arantza Gonzalez Garciak jakinarazi duenez, urgentziazko ostatu eskaerak %22 igo dira aurreko urtearekin alderatuta, eta bazterketa kasuen balorazioa %16,4. Etxebizitza mantentzera bideratutako Gizarte Larrialdietarako Laguntzen eskaerak ere igo egin dira: etxebizitza alokatzea %4,9, logelak alokatzea %110, %65, etxebizitza koalokatzea %35,17 eta hotel eta pentsioak ia %104.
“Etxebizitzaren datuek agerian uzten dute egoera oso kezkagarria dela kalteberatasun egoeran dauden Donostiako familia askorentzat, eta egoera hori are larriagoa izan daiteke administrazio publikoek ez badituzte familia horientzako bizitegi-alternatibak antolatzen”, ohartarazi du Arantza Gonzalez Garciak.
Hala, Donostiako Udaleko Ezker Anitza-IUko bozeramaileak Eusko Jaurlaritzari eskatu dio Euskadiko Etxebizitza Legeak ezartzen duen etxebizitza hutsaren kanona aplika dezala, baita beste neurri batzuk ere, hala nola nahitaezko desjabetzea, hirian dauden 1.500 etxebizitza huts kudeagarriak mugiarazteko.
“Ezin zaio epe laburrean erantzun bizitoki-larrialdi honi etxebizitzak eraikiz bakarrik; helburu soziala betetzen ez duten eta higiezinen espekulazioari bakarrik erantzuten dioten etxebizitzak egoteari utz diezaion ere jardun behar da. HAPOren aurrerapenak dagoeneko ohartarazten du egiten ari diren eraikuntzak ez diela erantzuten hiriaren eta bertako biztanleen beharrei”, esan du Gonzalez Garciak.
Horren harira, Ezker Anitza-IUk kritikatu du alkatearen kalitatezko botoak balio izan duela Eusko Jaurlaritzak etxebizitza publikoa eraiki zezakeen udal-jabetzako bi lursail esku pribatuetara pasatzeko, horretarako, gainera, 4 milioi euro publiko gastatuz.
“Donostiak estatuko hiririk garestiena izaten jarraitzen du, bai etxebizitza alokatzeko, bai erosteko; beraz, beharrezkoa da administrazio guztiek, baita Donostiako Udalak ere, beren esku dauden tresna guztiak erabiltzea familia askok bizi duten etxebizitza-krisiari erantzuteko”, esan du Arantza Gonzalezek.
