Ezker Anitza-IUk «arrazistatzat» jo du Donostiako alkateak hartutako erabakia, 300 pertsona elikatzeko aukerarik gabe uzten dituzten afari solidarioak debekatzekoa
2026ko uztailaren 28a. Arantza Gonzalez Garcia Ezker Anitza-IUk Donostiako Udalean duen bozeramaileak adierazi duenez, Jon Insausti alkateak Kaleko Afari Solidarioak kolektiboak duela urte batzuetatik banatzen dituen afari solidarioak debekatzeko hartutako erabakiaren atzean arrazoi arrazistak daude.
“Alkateak segurtasunik ezaz jantzi dezake, baina benetan egiten ari dena da lehendik dagoen arazo bat areagotu eta zaurgarritasun handiagoko egoera batean utzi Kaleko Afari Solidarioak kolektiboaren zerbitzura joaten diren 300 pertsona inguru, gutxienez otordu bero eta eguneko baldintza egokietan jasotzeko”, ziurtatu du Ezker Anitza-IUko bozeramaileak.
Arantza González Garcíaren arabera, EAJ, PSEren babesarekin, “eskuinaren eta ultraeskuinaren politika xenofoboen jarraipena egiten ari da, eta Alderdi Popularraren presioei men egiten; izan ere, Alderdi Popularrak behin baino gehiagotan eskatu du afari horietan debekatzeko, hiriaren irudi ona ematen ez dutelako”.
Era berean, onartezintzat jo du “alkateak afari horiek banatzea debekatu izana, lehenago gure artean bizi diren etxerik gabeko pertsona horiei duintasunez arreta emateko alternatiba bat abian jarri gabe. Hori ez da irtenbidea, pertsona asko zaurgarritasun handiagoko egoera batean uztea baizik ”.
Ildo horretan, Ezker Anitza-IUk gogorarazi du askotan, bai osoko bilkuran, bai batzordeetan, “pertsona horien egoerari heltzeko eta Udalak pertsona horiek ahalik eta ondoen artatu ahal izateko neurriak hartzeko eskatu dugu, baina beti ukatu da, baita boluntarioak Udalaren esku jarri direnean ere, lan altruista horrekin jarraitzeko, baina Udalak antolatuta”.
“Argi daukagu alkatearen erabaki hau ez dagoela kalean bizi diren pertsonei harrera egitea, gizarteratzea eta giza tratua eskaintzea helburu duen inongo gizarte politikatan oinarrituta, baizik eta hiri honetan ere dagoen pobrezia ezkutatu nahi du, oporrak pasatzen ari den jendez beteta baitago”, amaitu du Ezker Anitza-IUko bozeramaileak Donostiako Udalean.
Orain.eus-en argitaratutako argazkia
