Ezker Anitza-IUk mugimendu soziala eta herritarrak zoriondu ditu Urdaibain Guggenheimen proiektua geldiaraztea lortzeagatik
Ezkerreko alderdiaren arabera, “presio kolektiboa EAJren eldarnio faraonikoei gailendu zaie, interes pribatuei soilik erantzuten baitzien, eskualdeko benetako beharrak eta Urdaibai bezalako espazioek merezi duten babes berezia kontuan hartu gabe”.
2025ko abenduaren 17a. Ezker Anitza-IUk Busturialdeko eta, oro har, Bizkaiko gizarte-mugimendua eta herritar guztiak zoriondu ditu “beren oposizio irmoarekin eta presioarekin EAJk atzera egin behar izan duelako interes pribatuei soilik erantzuten zien proiektu faraoniko batean, eskualdearen benetako beharrak eta Urdaibai bezalako espazioek merezi duten babes berezia kontuan hartu gabe”.
“EAJk ulertu behar du ezin dela gutxi batzuen negozioa pertsonen eta ingurunearen beharren gainetik jarri. Biosferaren erreserba bat kontserbatzeak ez du preziorik ”, adierazi du Ezker Anitza-IUk.
Ezker Anitza IUk ohartarazi duenez, mugimendu sozial eta kolektiboaren arrakasta ukaezinaren ondoren, “Urdaibai-Busturialdea eskualdea ekonomikoki bultzatzeko lan egin behar da, natura ingurune hori errespetatzen duten eta bizilagunen benetako beharrekin konektatzen duten proiektu estrategikoekin”.
Ezker Anita-IUren arabera, “eskualdearen etorkizunak dibertsitate biologikoa eta baliabide naturalak mantentzea izan behar du oinarri, kudeaketa parte-hartzailearen irizpideetatik abiatuta, bai eta inplikatutako eragileen arteko negoziazioa erraztuko duten gobernantza-gailuak ezartzea ere”.
