2026ko uztailaren 15a. Arantza Gonzalez Garcia Ezker Anitza-IUko koordinatzaile nagusiak fiskalitate justu eta birbanatzailea aldarrikatu du gaur, progresibotasuna eta langileen babesa ekarriko dituena. Era berean, Ezker Anitza-IUk ez duela helburu horretatik aldentzen diren plan fiskalik babestuko ohartarazi du.
En una rueda de prensa ofrecida en Vitoria-Gasteiz, González García ha criticado duramente las medidas fiscales presentadas en Madrid por la diputada foral de Gasteizen eskainitako prentsaurreko batean, Gonzalez Garciak gogor kritikatu ditu Bizkaiko foru diputatuak Madrilen aurkeztutako neurri fiskalak, “Euskadiko elite ekonomiko eta enpresarialei mesede egiten jarraitzeko pentsatuak”. Halaber, bere kezka azaldu du EAJk bere kabuz aurkeztu duen planak “berez bidegabea den eta gehien dutenei lehentasuna ematen dien zerga-sistema are gehiago okertzen duelako”. Horren harira, Gonzalez Garciak kezkaz ikusten du EAJk plan hori bere kabuz martxan jartzeko hartu duen erabakia. “Berriro ere elite ekonomikoen mesedetan PSE neurri fiskal hauekin ados ote dagoen galdetzen diogu gure buruari”.
Bizkaiko Foru Aldundiaren proposamen batzuen xehetasunetara joz, Ezker Anitza-IUko koordinatzaileak esan du onartuz gero lurraldeen eta langileen artean desberdintasunak sortuko direla. “Bizkaira lanera etortzen diren pertsonentzako % 60rainoko salbuespenak aipatzen dira. Horrek suposa dezake enpresa beraren barruan bi pertsonak, postu eta kualifikazio berarekin, batek besteak baino gehiago tributatzea”.
“Honek diru-sarrerak kendu besterik ez die egiten diru-kutxa publikoei politika publiko zuzenak egiteko etxebizitzaren, etxez etxeko laguntzaren, mugikortasunaren, garraioaren, hezkuntzaren, osasunaren, udal kirol-instalazioen hobekuntzaren eta abarren arloan”, ohartarazi du Ezker Anitza-IUko koordinatzaileak.
Ezker Anitza-IUk berretsi du ez duela fiskalitate mota hori babestuko, eta EAJri eta PSEri galdetu die norekin atera nahi duten aurrera neurri sorta hori Araban eta Gipuzkoan, horretarako beste alderdi baten beharra baitute.
“Ezker Anitza-IUren botoek ez dute ezberdintasunetan sakontzen duen erreforma fiskalaren alde egingo. Arabako gure batzarkidearen botoak desberdintasun fiskalak iraunarazteko balioko du, gainerako langileok, diru-sarrera publikoei ekarpen nagusia egiten diegunok, ikusten dugunean politika publikoak egiteko dirua biltzeari uzten zaiola”.
Hala, Arantza González Garcíak gogorarazi du Eusko Jaurlaritzaren aurrekontuan sartzen ez den diru hori guztia 8.000 milioi eurotik gorakoa dela 2026an, “eta diru horrekin etxebizitzari eta kalitatezko zerbitzu publikoei buruzko politika ona egin daiteke, ikastetxeetan plaza publikoak ez itxi edo Osakidetzak ematen dituen osasun-zerbitzuak hobetu, aseguru pribatuetara jo behar ez izateko”.
Arantza Gonzalez Garciak esan du Ezker Anitza-IUk zerbitzu publikoen defentsan jarraituko duela, fiskalitate justu eta birbanatzaile baten defentsan, “non pertsona bakoitzak ordaindu behar duguna ordainduko dugun desberdintasunik sortu gabe”, amaitu du.
Buesa Arenako salmentaren aurkako oposizioa
Prentsaurreko berean, Jose Damian Garcia-Moreno Lopez Arabako Batzar Nagusietako Ezker Anitza-IUko bozeramaileak berretsi egin du alderdi horrek Buesa Arena eta inguruko lurrak saltzearen kontra dagoela. “Babestuko ez dugun jokabide arduragabea iruditzen zaigu, eta oso zaintzaileak eta kritikoak izango gara. Halaxe adierazi diogu jada diputatuari. Gure ustez, Arabako deskapitalizazioan urrats bat gehiago da, eta Buesa Arenak arabar guztien zerbitzura egoten jarraitzea nahi dugu, eta ez interes pribatuen esku”, adierazi du.
