Ezker Anitza-IUk errefusatu egin du EAJk eta PSEk proposatutako “makillaje fiskala”
“Euskadik erreforma fiskal sakon bat behar du, progresibotasunean eta justizia fiskalean aurrera egingo duena, eta ez makillaje soil bat, desberdintasunetan sakontzen duena eta, are gehiago, zerga-bilketarako gaitasuna murrizten duena”.
2025ko martxoaren 4a. Ezker Anitza IUk zerga-ereduaren erreforma zabala defendatzen du Euskadi osoan, langile klasearekiko elkartasuna eta kalitatezko zerbitzu publikoak bermatuko dituen zerga-sistema justu eta progresiboarekin, gehien dutenek zerga gutxiago ordaintzea eragotziz, gaur egun gertatzen den bezala.
Hori dela eta, Ezker Anitza IUk errefusatu egin du EAJk eta PSEk EAEko hiru ogasunetan planteatutako ustezko erreforma fiskala, “Euskadiren egungo eta etorkizuneko beharrei aurre egiteko balio ez duelako, zerga-bilketarako gaitasuna murrizten duelako eta, gainera, desberdintasunak sakontzen dituelako. Zoritxarrez, azken egunotan proposatutako aldaketek ez dute makillaje fiskala hobetzen “, adierazi du José Damian García-Moreno Arabako Ezker Anitza-IUko koordinatzaile eta Arabako Batzar Nagusietako prokuradoreak.
Ezker Anitza IUk zerga erreforma bat proposatu du, foru ogasunen diru-bilketa 1.311 milioi urtean handitzea ahalbidetuko lukeena. Duela zenbait astetik hona, “Herrialde berri bat eraikitzeko bidezko fiskalitate baten alde” proposamen hori hainbat erakunde sozial, sindikal eta politikori helarazi zaie.
Aitzitik, EAJren eta PSEren erreforma fiskalaren proposamenak urtean 235 milioi euroko diru-bilketa murriztea dakar. Negoziazioan eskainitako aldaketek diru-bilketa gehiago galtzea dakarte, eta ez dute balio zerbitzu publikoak bermatzeko.
Erreforma fiskal “eskuindar” baten aurrean, Ezker Anitza IU prest agertu da funtsezko zerbitzuak bermatzeko balioko duen erreforma fiskal garrantzitsu bati aurre egiteko, hala nola osasuna, hezkuntza, gizarte zerbitzuak edo etxebizitza publiko duin eta eskuragarria.
Ezker Anitzatik, IUk, EH Bilduri eta PSE-EEri, ezkerretatik erreforma fiskala onartzeko gehiengoa dagoela berretsi nahi diegu.
