Ezker Anitza-IU Bilbok neurriak proposatu ditu auzoetako jaiei ematen zaien babesa indartzeko
Proposamenak Aste Nagusiko aurrekontuaren % 5 gutxienez auzoetako jaietara bideratzea eta beste jarduera batzuk, hala nola Olentzero eta Mari Domingiri egindako harrerak, auzoko inauteriak edo San Juanadak diruz laguntzea planteatzen du.
Elkarrekin Udal Taldeak, Ahal Duguk, Ezker Anitza-IUk eta Bereak-EQUOk osatutakoak, proposamen bat egingo du Bilboko Udalaren hurrengo Osoko Bilkuran auzoetako jaien antolaketan auzoetako jai batzordeei ematen dien babesa indartzeko helburuarekin, baita beste jarduera batzuk ere, hala nola Olentzero eta Mari Domingiri egiten zaien harrera, Inauteriak edo San Juanadak, gaur egun Udalaren aldetik inolako babesik jasotzen ez dutenak.
Zentzu horretan, Xabier Jiménez zinegotziak gogorarazi duenez, “Auzoetako jaiak gure hiriaren nortasun-ezaugarrietako bat dira, autokudeaketaren bidez herritarrek parte hartzeko tresna bat eta bizikidetzaren eta gizarte-kohesioaren adibide bat. Auzoetako jaiek auzoetako kidetasun eta nortasun sentimendua sortzen dute, eta herri-adierazpen kulturalak sustatzen dituzte. Baina eragin ekonomiko handia dute ostalaritzan eta auzoko saltoki txikietan ere.”
Horrela, bada, Jimenezek bere proposamenean apustu egiten du “Bilboko auzoetako hogeita hamar batzorde eta elkarte baino gehiagoren lanari ematen zaion laguntza indartzearen alde, horiek, auzokideen borondatezko lanaren bidez, beren jaiak eta ekintzak urte osoan zehar antolatzea sustatzen baitute”.
Horrela, bada, Jimenezek bere proposamenean apustu egiten du “Bilboko auzoetako hogeita hamar batzorde eta elkarte baino gehiagoren lanari ematen zaion laguntza indartzearen alde, horiek, auzokideen borondatezko lanaren bidez, beren jaiak eta ekintzak urte osoan zehar antolatzea sustatzen baitute”.
“Material-alokairuen, horniduren edo musika-taldeen eta berbenen kontratazioen prezioak igotzen ari diren aldi honetan, Bizkaiko arau-aldaketek etorkizunean ekarriko dituzten betebeharrez gain, beharrezkoa da Udalak auzoetako jai-batzordeei ematen dien babesa indartzearen alde egitea, ekarpena handituz eta laguntza hori inauterietarako, San Juanetarako edo beste batzuetarako hedatuz” adierazi du Jimenezek.
