Ezker Anitza-IU Bilbaok Zerga Turistikoa martxan jartzeko izapideak arintzeko eta, gutxienez, bildutakoaren % 50 etxebizitza publikora bideratzeko eskatu du
Xabier Jimenez Lopez, Bilboko Udaleko Ezker Anitza-IUko bozeramaileak ekimen bat aurkeztu du Bilboko Udalaren hurrengo osoko bilkurari begira, lantalde bat aktibatzeko helburuarekin, eragindako eragileekin eta udaleko talde politikoekin, beharrezko neurri guztiak adostu eta bizkortzeko, Egonaldi Turistikoen gaineko Zerga arautuko duen etorkizuneko Ordenantza Fiskala ahalik eta azkarren ezartzeko helburuarekin.
Bestalde, Ezker Anitza-IUk akordio politiko baten alde egin du bere ekimenean. Akordio horren arabera, Egonaldi Turistikoen gaineko Zergaren bidez bildutako diruaren % 50 turismoak eragindako zerbitzu publiko nagusiak (garraio publikoa, garbiketa eta abar) behar bezala mantentzeko izango da, eta beste % 50 Bilboko Udal Etxebizitzen parke publikoa indartzeko zuzeneko inbertsioan.
Zentzu horretan, Xabier Jiménez López zinegotziak gogorarazi duenez, “gure esparru politikoa 2017tik dago turismo-pernotazioen gaineko horrelako zerga bat martxan jartzeko beharra defendatzen, eta Batzar Nagusietan ditugun talde instituzionalak erabakigarriak izan dira bermatzeko zerga berriak beti defendatu ditugun 3 irizpideak betetzen dituela: zerga bat izatea – eta ez tasa bat –, ostatu motaren arabera progresiboa izatea, eta udalak izatea zerga biltzen dutenak, hau da turismoarekin tentsio handiena duten zerbitzuak kudeatzen dituzten administrazioak alegia”.
Baina “orain, Bizkaian ekainaren 17an onartuko den foru arauaren edukia ezagutzen dugunez, lanean hasi behar dugu 2025eko datuekin urtean 7 eta 11 milioi euro artean bilduko dituen zerga bat ezartzeko. Hau da, bildutako dirua Bilboko Udaleko Etxebizitza Arloaren guztizko aurrekontua baino 2-3 aldiz handiagoa dena”.
Horregatik, Ezker Anitza-IU Bilbotik eskatu dute “lantalde bat martxan jartzea, eragindako eragileekin eta udaleko talde politikoekin, beharrezko neurri guztiak adostu eta bizkortzeko, Egonaldi Turistikoen gaineko Zerga arautuko duen etorkizuneko Ordenantza Fiskala ahalik eta azkarren ezartzeko, eta bildutako dirua Bilboko herritarrei gehien eragiten dien horretara bideratzeko. Turismoak eragindako zerbitzu publiko nagusiak (garraio publikoa, garbiketa, eta abar) behar bezala mantentzea eta Bilboko Udal Etxebizitzen parke publikoa indartzeko zuzeneko inbertsioa ordaintzea. ”
