Sumar koalizioak ikuskaritza bat eta ikerketa batzorde bat eskatu ditu Legebiltzarrean, Haur Hezkuntzako 1.518 plaza publiko sortzeko Europako funtsen “kudeaketa negargarria” argitzeko
Jon Hernandez Hidalgo Sumar koalizioko legebiltzarkideak Legebiltzarreko ikerketa batzorde bat sortzea eskatuko du Eusko Legebiltzarrean, Haur Hezkuntzako lehen zikloan 1.518 plaza publiko sortzeko Suspertze, Eraldatze eta Erresilientzia Planeko 15.484.890 euroen Hezkuntza Saila egiten ari den “kudeaketa politiko negargarria” argitzeko. “Kontrolerako azken osoko bilkuran, Hezkuntzako sailburuak argi utzi zigun ez direla plaza konprometituak sortu eta ez direla sortuko, nahiz eta Europatik horretarako dirua jaso. Hori bereziki larria da, eta jakin behar dugu zergatik ez diren helburuak bete eta zer gertatuko den diru horrekin”.
Horregatik, gaurko osoko bilkurara eramango duen mozioan, Jon Hernandezek auditoria bat eskatuko du Eusko Jaurlaritzak plaza publiko horiek sortzeko jaso dituen 15 milioi euro baino gehiagoren erabilerari buruz. Hernandezek gogorarazi du hitzemandako plazen % 16 baino ez direla sortu eta baliabideen ia erdia gastatu dela. “Ez dakigu zer gertatuko den diru horrekin, argi baitago Hezkuntza Sailari ez diola denborarik emango plaza guztiak sortzeko geratzen den denboran”, azpimarratu du.
“Oso larria iruditzen zaigu EAJk gezurretan jarraitzea, bai sailburuak bai EAJk Senatuan duen ordezkariak, joan den astean Euskadik plazen eskaera betetzen zuela ziurtatzen jarraitu baitzuen, une honetan 30 herri baino gehiago daudenean, non familiak plaza publikorik gabe geratu diren eta 80 haurreskola dauden 0 eta 1 urte bitarteko plaza librerik ez dutenak”, adierazi du Sumar koalizioko legebiltzarkideak.
Era berean, Haur Hezkuntzako lehen zikloan plaza publikoak sortzeko Hezkuntza Sailak
Europako funts horien gainean egindako kudeaketa gaitzesteko eskatuko dio Hernandezek Legebiltzarrari.
Azkenik, Sumar koalizioko legebiltzarkideak Eusko Jaurlaritzari eskatu dio bete dezala adostutako helburua, Espainiako Gobernuarekin negoziatuta beste epe bat luzatzea, Hezkuntza Sailaren konpromiso irmoarekin: “oraingoan bai, bete egingo da Euskadiri beharrezko plaza publikoak emateko helburua, seme-alabek sare publikoan haur-hezkuntza ikastea aukeratzen duten euskal familien eskaerari erantzuteko”.
