Ezker Anitza-IUk Casillako ekipamenduaren kudeaketa zuzena pro-posatuko du
Ezker Anitza-IU osatzen duen udal taldea La Casillako kiroldegi berria pribatizatzearen aurka agertu da, eta kudeaketa eredu zuzena defendatuko du hurrengo osoko bilkuran
Elkarrekin Bilbao udal-taldeko Ezker Anitza-IUko zinegotzi, Xabier Jimenezek, “Lehia-elkarrizketa proiektua idazteko, obrak zuzentzeko, gauzatzeko, mantentzeko, kontser-batzeko eta Casillako ekipamendu berria ustiatzeko obra-emakidaren kontratua definitzeko” prozesuaren ondoren aukeratutako kudeaketa-eredua birplanteatzeko eta Bilbao Kirolak udal sozietatearen bidez zuzenean kudeatzeko eredu baten alde egiteko.
Koalizio ezkertiarraren ustez, Gobernu Taldeak aurkeztutako eta elkarrizketa lehiakorraren bidez adostutako Etxetxuako ekipamendurako proiektua parte hartu duten enpresa batzuen neurrira egindako proiektua da. “Inork ez du zalantzan jartzen Etxetxua inguruak eta ekipamenduak berak kirol, kultura eta aisialdi-izaerako bultzada eta eskaintza zabala behar duenik. Hala ere, zalantzan jar daitekeena da proiektu honetan prozesuan parte hartu duten enpresei soilik entzun zaiela, eta ez auzotar-rei eta hiriko ekipamendu berri horrek zuzenean eragiten dien beste eragile batzuei”, adierazi du Xabier Jimenezek.
Era berean, Jimenezek ohartarazi duenez, “hautaketaren, prozeduraren eta ordaintzeko moduen ondorioz, kirol-ekipamendu baten priba-tizazio berri baten aurrean gaude; bertan, enpresa emakidadunak obrak egingo ditu, baina bere neurrira egindako ekipamendu bat kudeatuko du datozen 40 urteetan, eta lehen aldiz enpresa pribatu batek, eta ez Bilbao Kirolakek, kudeatutako lehen kiroldegi publikoa izango da. Hori guztia, bideragarritasun txostenaren arabera, 31 milioi euro baino gehiagoko errentagarritasu-narekin ekipamendu berria ustiatzen duen enpresarentzat, 17,5 milioi euroko inbertsio baten aurrean”.
Horregatik guztiagatik, “Bilboko gure kirol ekipamendu esanguratsuenetako bat pribatizatzen duen proiektuaren” aurka dagoela errepikatu du zinegotziak. Hori dela eta, “eskatzen dugu oraindik ez dagoela enpresen aldeko eskubiderik sortu, ez eta enpresekiko kontratu-loturarik ere, proiektua birplanteatzeko, hiriko bizilagunak eta eragindako eragile eta sektore ugariak kontuan hartuta; halaber, titulartasun publikoko kirol-azpiegituren kontrol publikoa man-tentzeko eskatzen dugu, Bilbao Kirolak erakundeari atxikita, Bilbon jarduera fisikoa sus-tatzeaz eta garatzeaz arduratzen den udal-sozietate publikoa baita”.
