Koordinatzaile Nagusia

Koordinatzaile Nagusia izatea Ezker Anitza-IUko ardura organiko nagusia da. Euskadiko Asanbladan hautatzen dute lau urtean behin. Ardura hori betetzen duenak erakunde osoa ordezkatzen du.

Gaur egun, Isabel Salud Areste da Ezker Anitza-IUko koordinatzaile nagusia, berriz hautatu baitzuten X. asanbladan.

Isabel Salud 1961ean jaio zen Sant Climent de Llobregat-en (Bartzelona), eta administraria da. Administrari funtzionarioko plaza lortu zuen 1991n Eibarko Udalean (Gipuzkoa). Ez da inoiz liberatua egon politikagintzan aritzeko, eta lanaldi-murrizketa baino ez du.

Hastapenak Sant Climent de Llobregat jaioterriko auzo-mugimenduan izan zituen. Ondoren, zinegotzi izan zen bi legegintzaldi, harik eta EAEra bizitzera etorri zen arte.

EAEra iritsita, ardurako zereginetan aritu da gizarte-mugimenduetan, eta PCE-EPKko idazkari nagusia izan zen 2002tik 2012ra bitartean. Urte horretako azaroan Ezker Anitza-IUko koordinatzaile nagusi hautatu zuten.

2016an Diputatuen Kongresuaren XII. legegintzaldirako Unidos Podemosko diputatu hautatu zuten, Gipuzkoako hautesbarrutian. Diputatu zelarik parte-hartze aktiboa izan zuen Kongresuan amiantoaren biktimentzako konpentsazio-funtsa sortzeko eratutako ponentzian, eta sindikatuekin eta ukitutako pertsonekin lan egin zuen haien proposamenak bideratzeko eta, horrela, biktimei ahalik eta estaldurarik handiena emateko.

Isabel Salud Areste langile-borrokarekin konprometitutako emakumea da. Izugarri maite ditu bizitza eta animaliak. Atsegin du irakurtzea eta mendian txakurrarekin ibilaldiak egitea, baina onartzen du ez duela horretarako nahiko lukeen denbora.

Back to top button