Ezker Anitza-IUk harremanak hasi ditu CCOOrekin, Euskadirentzat fiskalitate bidezkoa eta progresiboa adosteko
Ezkerreko alderdiko ordezkariak Loli Garcia CCOO Euskadiko idazkari nagusiarekin bildu dira gaur fiskalitate proposamena aurkezteko.
Iñigo Martinez Zaton antolakuntza idazkariak dokumentuaren gaineko erabateko sintonia nabarmendu du, eta PPrekin politika fiskala adosteko saiakera berriaren aurrean, “PSEri eta EH Bilduri Euskadirako proposamen fiskala ezker osoarekin adosteko” deia egin die.
Bilbao, 2025ko otsailaren 10a. Ezker Anitza-IUk gaur hasi du Euskadiko ezkerreko alderdi politikoekin, sindikatuekin eta eragile sozialekin bilerak egiteko egutegia, Foru Aldundien proiektua bideratuko duen politika fiskal benetan justu baterantz aurrera egiteko akordioa bilatzeko. Iñigo Martínez Zatón Antolakuntza idazkariak, Arantza González Gipuzkoako koordinatzaileak, José Damián García-Moreno Arabako koordinatzaileak eta Xabier Jiménez Bilboko koordinatzaileak bilera-sorta hau hasi dute Bilbon, CCOO Euskadiren egoitzan, Loli García idazkari nagusiari Ezker Anitza-IUren “herrialde” proposamena helarazteko, Euskadin zerga-eredu justu eta progresibo bat egon dadin, gutxienez 1.311 milioi euroko zerga-inpaktua izango duena. Iruzur fiskalaren kontrol handiagotik eratorritako 2.040 milioi euroei gehituta, 3.351 milioi euro gehiago bilduko lirateke urtero, eskubideak hobetzeko eta ongizate-estatuan sakontzeko politika publikoak egiteko.
Iñigo Martínez Zatónek azpimarratu duen bezala, erabateko sintonia egon da bi erakundeen artean fiskalitate-proposamen honen inguruan. Martinez Zatonen hitzetan, “Euskadik ezkerreko gehiengoak dituen Batzar Nagusiak eta Eusko Legebiltzarra ditu. Hala ere, Alderdi Popularrarekin fiskalitatearen arloan eskuineko gehiengoak adosteko saiakera berri baten aurrean gaude, ezkerreko gehiengo horiek aktibatu gabe “.
Hori dela eta, Ezker Anitza-IUko Antolakuntza idazkariak dei egin die “Alderdi Sozialistari eta EH Bilburi Euskadirako proposamen fiskala ezker osoarekin adosteko”.
Asmoa ezkerreko espazioko alderdi eta eragileak interpelatzea da, “Europan ongizate-maila handiagoa duten estatuekin parekatuko gaituen eta, diru-bilketa handiagoarekin eta modu bidezkoagoan, gure zerbitzu publikoak mantentzen eta hedatzen lagunduko digun” zerga-eredu erabat alternatiboaren beharra eztabaidaren erdigunean jartzeko.
Ezker Anitza-IUk ezkerreko alderdi politikoei, sindikatuei eta eragile sozialei helarazi dien dokumentuak neurri sorta zabala planteatzen du, besteak beste: sozietateen gaineko zerga % 30era igotzea, Alemania bezalako herrialdeekin eta benetako tasa efektiboarekin bat egiteko; aurrezki-errenten eta lan-errenten arteko tratamendu bereizia ezabatzea, interes-errentak eta dibidenduak dituen zergadun batek errenta bera duen langile baten ia erdia zergapetu ahal izatea dakarrena; ezkutu fiskala deitu izan dena ezabatzea, PFEZren eta Ondarearen gaineko Zergaren ondorio bateraturako muga ezartzen duena
Era berean, Ezker Anitza-IUk egindako dokumentuak ingurumen arloko fiskalitateari buruzko neurriak jasotzen ditu, gehiengo sozialarentzat bidezko trantsizio energetikoa bultzatzeko, baita automatizazio industrialari eta adimen artifizialari, banka eta energetikoen gaineko zerga abian jartzeari eta egonaldi turistikoen gaineko zergari ere.
