Ezker Anitza-IUk bere zuzendaritza berritu du “eskubideetan eta justizia sozialean irabazteko eta espazio politikoa indartzeko politikak eta aliantzak artikulatzeko” helburuarekin
Zuzendaritza kolegiatu berrian emakumeak daude erakundearentzat funtsezkoak diren arduretan.
2025 uztailaren14a. Ekainaren 22an Ezker Anitza-IUren XI. Asanblada egin ostean, Euskadiko Koordinakundeak, igande honetan bilduta, zuzendaritza kolegiatu berria aukeratu du, euskal ezker alternatiboaren espazioan indar erabakigarria izateko helburu nagusiarekin. “Esperientzia eta kide berriak uztartzen dituen talde bat bildu dugu, eskubideetan eta justizia sozialean irabazteko politikak artikulatzeko eta euskal ezker alternatibo eta aurrerakoiaren espazioa indartzeko aliantzak bultzatzeko, ultraeskuina eta eskuina aske dauden une honetan”, nabarmendu du Arantza Gonzalez Ezker Anitza-IUko koordinatzaile nagusiak.
Ezker Anitza-IUko Euskadiko Koordinakundeak lehen bilera egin du igande honetan, erakundearentzat garrantzi berezia duten postuetan emakumeen presentzia izango duen zuzendaritza berri bat osatzeko. Arantza Gonzálezekin batera, Juan Luis Merino, Antolakuntza eta Finantzetako arduraduna; Ester Palacio García, Komunikazioko arduraduna; Ana Isabel Saiz, Feminismoko burua; Alba Gutiérrez, Harreman Politikoetako eta Nazioarteko arduraduna; Jon Hernández, PCE-EPK-ko legebiltzarkidea eta idazkari nagusia, Ekintza Politiko eta Programako buru; Xabier Pombo, Instituzionaleko arduraduna, eta Hugo Martín-Santos, Bataila Kulturaleko arduraduna.
“Zuzendaritza berria osatzen dugun pertsona guztiok dugun esperientziarekin eta konpromiso politikoarekin, Ezker Anitza-IUk paper garrantzitsua izango du elkarrekin lan egiteko, hori baita jende aurrerakoiak benetan eskatzen duena, guztion onerako eta euskal herritarren benetako kezka eta beharretarako”, azpimarratu du Arantza Gonzalezek.
