Ezkerreko alderdiak berretsi egiten du eskola publikoarekin duen konpromisoa, euskal hezkuntza-sistemaren ardatz egituratzaile gisa eta sare publiko askotariko, inklusibo eta kohesionatzaile baten garapen progresiboarekin.
Ordizia, 2024ko ekainaren 2a . Ezker Anitza-IUko ordezkaritza batek, Jon Hernández Ezker Anitza-IUko Sumarreko legebiltzarkidea, Iñigo Martínez Zatón antolakuntza idazkaria eta Arantza González zuzendaritzako kide eta Donostiako Udaleko zinegotzia buru zirela, Ordizian ospatu zen Euskal Eskola Publikoaren jaian parte hartu zuen. Horrela, Ezker Anitza-IUk bat egiten du jaiaren sustatzaile den Euskadiko Guraso Elkarteen Federazioak (Ehige) eskatzen duen babesarekin.
Ezker Anitza-IUk berretsi du “kalitatezko eskola publiko inklusibo baten aldeko apustua” egiten duela, “euskal hezkuntza-sistemaren ardatza izango dena, eta ikasleen aukera-berdintasuna bultzatuko duen eta kohesio sozialerako elementu gisa balioko duen sare publiko integral baten garapen progresiboaren aldekoa”.
Ezkerreko alderdierako, “hezkuntza sistema ehuneko ehunean publikoa, kalitatezkoa, eleanitza, euskara ardatz duena, kalitatezko azpiegiturak dituena, benetakoa izan behar du eta alderdi politiko guztien ahalegina behar du”.
Ildo horretan, Ezker Anitza-IUk adierazi du beharrezkoa dela “urrats sendoak ematea Euskadiko eskola-segregazioaren zifra eskandalagarriei amaiera emateko”.
