Ezker Anitza-IUk gezurtatu egin du Podemosekin akordio aurreratu bat egon dela Euskadin
2026ko urriaren 17a. Arantza Gonzalez Garcia Ezker Anitza-IUko koordinatzaile nagusiak gezurtatu egin du “Euskadin Podemosekin akordio aurreratua” egon denik. Azken bi egunetan Podemos Euskadiko koordinatzaile nagusiarekin telefonoz izandako bi elkarrizketa laburretan, Ezker Anitza-IUk honakoa adierazi dio: “Hauteskunde orokor batzuen aurrean Fronte Zabala lurralde guztietan eratu behar zen eta bazeuden helburu horrekin sortutako lan espazioak”, adierazi du Gonzákez Garciak.
Ezker Anitza-IUko koordinatzaile nagusiak adierazi duenez, “hauteskunde-koalizioak aurkeztu baino bi ordu lehenagora arte egon da zabalik atea. Sartu nahi izan duenak egin du, ez denak, kanpoan geratu da eta Fronte Zabala 15 alderdi politikok osatzen dute”.
Hemendik aurrera eta Fronte Zabalaren barruan “etxebizitza eskubidearen defentsan lanean jarraituko dugu, bizitza duina izatea ahalbidetuko diguten enpleguak eta soldatak edukitzen, azaroaren 11ko greba orokorrari babesa ematen eta orain arte lortu dugun guztia ukatu nahi digun eskuinari eta eskuin muturrari atea ixten”, azpimarratu du Ezker Anitza-IUko koordinatzaile nagusiak.
