Yo Ocaña’ dokumentalaren proiekzioa Eskoriatzan

Debagoieneko Ezker Kultur Guneak eta Paz y Solidaridad Fundazioak José Pérez Ocaña margolariaren bizitzaren errepasoa egiten duen ‘Yo Ocaña’ dokumentala proiektatuko dute ekainaren 10ean, 19:00etan, Eskoriatzako Zaldibar Antzokian. Perez Ocañak trabestismoa eta performanceak erabiltzen zituen aurkezpen jantzi gisa. Dokumentala eman ondoren, solasaldi ireki bat egingo da, parte hartzen duten pertsonen artean gizartearen aniztasunaren erradiografia bat egiteko. Jardunaldiari amaiera emateko, ‘askotariko bingoa’ egingo da eta kartoiak banatuko dira sarreran. Irabazleak produktu solidarioen saski bat jasoko du.