Events

Debagoieneko Ezker Kultur Guneak eta Bakea eta Elkartasuna Fundazioak sexu aniztasunari buruz antolatu dituzten jardueren artean, uztailaren 12an, larunbata, Carlota Barrenetxea 'Txar' artista bilbotarrak aniztasun sexualean oinarritutako mural bat margotuko du 9:30etatik aurrera Zubiateko Labea eraikinean. Artistak 'Yo Ocaña' dokumentalaren proiekziora eta ondorengo solasaldi irekira bertaratutakoek egindako ekarpenak gehituko dizkio bere horma-irudi proiektuari. Txar muralista …

Uztailaren 18an elkarretaratzea egingo dute Gasteizko Katedral Berrian, 19etatik aurrera, frankismoaren zigorgabetasuna salatzeko eta Espainiako Errepublikaren aurkako estatu kolpe faxistaren biktimentzat egia, justizia eta erreparazioa eskatzeko.  

Bilbon deitu den mobilizazio feministan parte hartzera animatzen zaitugu, Danieli entzun diezaioten, tratu txarrak ematen dituena ez baita inoiz aita ona izango. Uztailaren 4an, 20:00etan, Moyua plazatik Plaza Biribilera.

Larunbatean, uztailaren 26an, 'Memoriaren mugarriak' ekitaldia izango da. Kolitzako Batailan hildako gudari eta milizianoei omenaldia. Hitzordua Balmasedako San Severino plazan 9:00etan.

Irailaren 5etik urriaren 3ra Ion Pousa Ruiz de Alegria artistaren pintura errealista erakusketa bat ikus daiteke Arrasateko Kulturate zentroan (Gipuzkoa), "palestinar herri heroikoari" eskainia. 17:30etik 20:30era bisita daiteke. Erakusketa honek Unadikum elkartearekin ekonomikoki kolaboratzeko aukera eskaintzen du, Gazako biztanleei laguntzeko hainbat proiektu garatzen baititu. Ekarpenak Bizumen bidez egin daitezke: 622 10 40 72.

Palestinara misio humanitario batekin abiatu den Nazioarteko Flotillaren aldeko kontzentrazioa. Irailaren 10ean, asteazkena, 19:00etan Boulevardean (Donostia).

Elkarretaratze bat deitu da Israelgo talde baten banaketa salatzeko Sestaoko Nazioarteko Xake Txapelketan. irailaren 12an, 17:00etan, Eliza Parkeko gimnasioan (Sestao).

Irailaren 14an erraustegiaren aurkako giza katea egingo da Kontxako hondartzan 11:00etan. Alderdi Ederretik abiatuko da.

Hemen duzue Trantsizio ekologiko koloniala izenburupean Uliako Mintegi parkean (Donostia) egingo den mahainguruarii buruzko informazioa. 18:00etatik aurrera.  

Feministok Palestinarekin talde feministek deitutako manifestazio zaratatsua da. Urriaren 10ean izango da, Donostiako Bulebardean, 19:00etatik aurrera. Ekarri zarata egiteko gauzak..

Urriaren 15ean lanuzte orokorra deitu dute 11:00etatik 14:00etara, Israelek Palestinan egindako genozidioaren aurka. Indar sindikalek bultzatu dute protesta, Palestinako herriari elkartasuna adierazteko eta enpresei eta erakundeei Israelekin harreman komertzial oro hausteko eskatzeko. Esker Anitza-IUk greba orokorra eta egun horretan EAEko hiru hiriburuetan deitutako manifestazioak babestu ditu.  

Antonio Turielek, Carlos Taibok eta Antonio Aretxabalak hitzaldi batean parte hartuko dute trantsizio faltsua azaleratzeko: natura zaintzearekin bat datorren bizitzarako apunteak. urriaren 30ean, Donostiako Uliako Mintegietan, 19:00etan.