Ezker Anitza IU Ezker Anitza IU
Legez besteko proposamena aurkeztu du Elkarrekin Podemosek bere babesa erakusteko Ahed Tamimi espetxeratutako adingabe palestinarrari, Israelgo Estatuak atxilotzen edo espetxeratzen dituen ehunka adingabeen adibide bihurtutakoari, Europako eta kanpo-ekintzako gaien batzorde parlamentarioan.
“Beharrezkoa da Ahed Tamimi berehala aska dezatela eskatzea, baita espetxean irregularki dauden pertsona guztiak askatzea ere”, adierazi du Martinezek eta, azpimarratu duenez, “Palestinaren okupazioa gatazka larria da, zeinean ez diren errespetatzen adingabeen eskubideak eta giza eskubideak”.
Horrela, Europar Batasunari eskatzen zaio adingabearen askatzea exiji dezala eta Israeli lehentasunezko bazkidearen estatusa erreboka diezaiola, eta Israelgo agintariei eskatzen die zorrotz bete dezatela Haurraren Eskubideen Konbentzioa. Bestalde, Martinezek azpimarratu duenez, “Trumpek Jerusalem Israelgo hiriburu izendatuz egindako deklarazioa AEBn beste agresio bat da, Palestinari zuzenean eraso eginez, eta ondorio garrantzitsuekin nazioarteko harremanetan.”
Horregatik, atzera egin dezala eskatzen dio AEBri eta ez dezala bere enbaxada Jerusalemera aldatu, hiri horren azken estatutua negoziaketen bidez adostu behar dela berretsi baitzuen NBEren Batzar Orokorrak.