Ezker Anitza IU Ezker Anitza IU
Ezker Anitza IUk Antonio Turiel eta Juan Borderaren liburuaren aurkezpena antolatu du, krisi energetikoari eta aldaketa klimatikoari buruz hausnartzeko eta egoera okerrenak saihesteko oraindik eskura ditugun alternatibei buruzko informazioa emateko
Bilbao eta Gasteiz, 2022ko urriaren 3a
Bilboko Estudio 38 aretoak eta Landatxo Gizarte Etxeak Antonio Turiel eta Juan Borderaren ‘El otoño de la civilización’ liburuaren aurkezpena hartuko du gaur eta bihar (urriak 3 eta 4), 19:00etan.
Ekitaldian Arantza González Ezker Anitza-IUko Gipuzkoako koordinatzaileak ere parte hartuko du. Ezker Anitza-IUk antolatutako ekitaldia da, pairatzen dugun krisi sistemikorako konponbide erabilgarriak proposatzeko helburuarekin. Xabier Pombo Ingurumen arloko arduradunak adierazi duenez, “planetaren mugei eta haren baliabideei buruzko hausnarketa sakona egin behar dugu, baita egoera horretara eraman gaituen eredu kapitalistaren gehiegizko ustiapenari buruzkoa ere”.
Antonio Turiel eta Juan Borderaren liburuak IPCCren (Klima Aldaketari buruzko Adituen Gobernu Arteko Taldea) bi txosten jasotzen ditu, aurrekaririk gabeko pizgarria izan direnak nazioarteko komunitate zientifikoaren posizioan, eta atzerapenik onartzen ez duen egoera kezkagarri bat aztertzen du. El otoño de la civilización ‘liburuaren egileek krisi energetikoaren eta aldaketa klimatikoaren gaiak uztartzen dituzte, eta agertoki okerrenak saihesteko oraindik eskura ditugun alternatibak argitzen saiatzen dira.
“Nazioarteko zientzialari talde bat dago Scientist Rebellion mugimenduan eta Ezker Anitzatik haiekin elkarlanean aritu nahi izan dugu gizarte eredu berri bat planteatzeko beharrezkoak diren hausnarketak zabaltzeko”, adierazi du Xabier Pombok.
Hori dela eta, Ezker Anitza-IUk liburua aurkezteko Euskadin egingo diren zazpi hitzaldietako bi antolatu ditu – urriaren 3an Bilbon eta 4an Gasteizen –. “Antonio Turielek eta Juan Borderak ospe handia dute azterketa eta dibulgazio zientifikoaren esparruan, eta, beraz, planetaren eta haren lehengaien mugei eta balizko konponbideei buruzko eztabaida benetan aberasgarria izango dela uste dugu”, ondorioztatu du Ezker Anitza-IUko Ingurumen arduradunak.
