Ezker Anitza IU Ezker Anitza IU
Hainbat ekimen erregistratu ditu Batzar Nagusietan, Euskadik ezar ditzala Estatuak araututako baldintzak, betiere arau-garapenak foru-araudiari eragiten ez badio
Beharrezkoa da Euskadik bere zerga-eskumenak erabiltzea neurri fiskal progresistak abian jartzeko, krisi honen kostua ez ordaintzeko herritarrek berriro
Bilbao, 2022ko uztailaren 14a
Elkarrekin Podemos IUk Arabako, Bizkaiko eta Gipuzkoako Batzar Nagusietan erreklamatuko du Euskadiko hiru lurralde historikoek beren arau-esparruan sar ditzatela energiaren enpresa handien ohiz kanpoko irabazien gaineko zerga eta finantza-erakunde handiei ordaindu beharreko aparteko zerga, zeina Estatuan indarrean egongo baita datorren urtetik aurrera. Bi zerga-figura berri horiek, koalizioak defendatzen duenaren arabera, inola ere ez dira izango koalizio-gobernuak ezarriko lituzkeen baldintzen azpikoak, baldin eta estatu-mailako neurri ekonomikoen arau-garapenak foru-araudiari eragiten ez badio.
Koalizioak hiru foru-ganberetan hainbat ekimen erregistratu ditu, lurralde historikoek koalizio- gobernuaren urratsak jarrai ditzaten eta zerga horiek enpresa handiei eta finantza-erakundeei ezar diezazkieten, krisi honen kostua gera ez dadila berriro ere herritarren bizkar.
Elkarrekin Podemos IUk azpimarratu du Euskadik berez dituen eskumen fiskalak erabili behar dituela krisian onura handiak irabazten dituztenek dagokiena ordain dezatela, ahuldutako Ongizatearen Estatua bermatzeko eta berdintasun handiagoko gizarte bat ahalbidetzeko. Koalizioak ohartarazi duenaren arabera, krisiak areagotu egin du Euskadiko gizarte arrakala, eta horrekin batera, areagotu egin dira desberdintasuna, pobrezia eta bazterkeria.
Horregatik, egoera larri horren aurrean, Euskadik bere eskumenak erabili behar ditu euskal herritarren bizitza hobetuko duten zerga-neurri progresistak abian jartzeko.
Unidas Podemos koalizio-gobernuan familiak babesteko neurriak aurrera ateratzea lortzen ari da krisiaren ondorioak direla eta zaurgarritasun-egoerak areagotzen ari diren une honetan, eta Euskadi ezin da atzean geratu eta herritarrak erdigunean jartzen dituzten politikak bultzatu behar ditu.
Horrela, beharrezkoa da fiskalitatea erabiltzea, herritarren kontura aberasten jarraitzen duten enpresa elektriko handiek eta bankuek krisi berri honen ondorioak ordain ditzaten. Elkarrekin Podemos-IUk behin eta berriz eskatu du zerga-erreforma sakon bati ekiteko beharra euskal erakundeetan, fiskalitate justuagoa eta progresiboagoa lortzera bideratutako hainbat ekimenen bidez, gehien dutenek gehiago ordain dezaten, arlo publikoa mantendu ahal izateko.
Ildo horretan, Elkarrekin Podemos IUk hainbat ekimen erregistratu ditu orain hiru Batzar Nagusietan, 2023an hiru lurraldeetan enpresa elektriko handiei aparteko zerga eta bankuei 2023an ezarriko zaien karga aplikatzea eskatzeko, Espainiako gainerako lurraldeetan gertatuko denarekin bat etorriz, Estatuak garatzen duen lege-esparruak foru-araudiari eragiten ez badio.