Ezker Anitza IU Ezker Anitza IU
Ibilbide luzea egin du sindikalista eta Barakaldoko zinegotzi ohi gisa, eta kargua hartu du udal eta ezkerreko hautagaitza ahalik eta zabalena eraikitzeko hurrengo udal hauteskundeetarako. Ezker Anitza IUren alde ere lanean jarraituko du, maila politiko eta sozialean parte-hartze handiagoa izan dezan
Barakaldo, 2022ko uztailaren 7a. Ezker Anitza-IUren Barakaldoko Batzarrak Casimiro Castaño aukeratu du tokiko koordinatzaile berri gisa, eta adierazi du orain arte gizarte mailan parte-hartze handiagoa duen alderdi baten alde egindako lana bultzatuko duela, kalera eta barakaldarren eta herri honek duen elkarte-mugimendu aberatsaren benetako kezketara hurbiltzeko.
Castaño sindikalista ezaguna da eta Barakaldoko udalbatzako zinegotzi ere izan zen lau urtez. Ana Rosa Sánchez Ezker Anitza-IUko aurreko koordinatzailea ordezkatu du, eta alderdiaren zuzendaritzan jarraitu du, antolaketa-arduradun gisa.
ldo politikoan, eta urtebete pasatxoko udal hauteskundeekin, Casimiro Castañok nabarmendu du gure helburua dela “ezkerreko udal hautagaitza ahalik eta zabalenarekin aurkeztea hauteskundeetara, herritarrei Barakaldo aurrerakoiagoa, feministagoa, berdintasunezkoagoa eta ekologikoagoa eraikitzeko aukera emango digun alternatiba bat eskaintzeko”.
Era berean, Castañok erakundearen lanaren garapenean militantzia eta jarraitzaileen inplikazio handiagoa lortzea jarri du helburutzat. Ildo horretan, koordinatzaile berriak jakinarazi du dagoeneko jarduera-programa bat lantzen ari direla egoitza (Landaburu kalea, 17) herritarren parte-hartzera zabaltzeko.